德興隆-香港花膠海味專門店

2015年10月19日星期一

『好識補』經營至今，顧客年齡層：老、中、青都有不少擁躉，閒時無所不談，如老朋友一樣！

今日，有一位媽媽級的熟客，將榮升新奶奶，係到先恭喜呢個新奶奶，新姑之喜，百子千孫！呢位新奶奶，知道『好識補』出品、必屬佳品的原則下，要求小店幫忙代辦過大禮時必需的山珍海味。『好識補』從未接得如此重任，係新奶奶的要求及嚴選下，過大禮的海味禮籃終於包裝完成，準備送往男家。禮籃的海味可以自由選購及配搭，加上精美的包裝、大紅花球，既大方亦不失男家體面，女家收到亦笑逐顏開，深感被受尊重。再次恭喜新人們百年好合，永結同心。